冷氣機篇 – homemega

今時今日嘅冷氣機型號，選擇之多比得上智能手機，唔想花多眼亂，不妨參考以下方向，相信可以幫你搵到最切合自己實際需要嘅Perfect Match。

Point 1.位置

◆ 窗口式︰需以支架承托，售價較大眾化，不過運作聲響稍大，大部分型號不設遙控功能。

◆ 分體式︰寧靜、設有遙控功能，並可一部壓縮機對應兩部冷氣機，不過機價與安裝費都高於窗口式，並需駁喉，維修亦較麻煩。

Point 2.製冷能力

◆ 製冷能力要求多寡，應以單位設計特色為依據，例如頂樓、西斜、居住人數多、面積大等情況，便需要製冷能力較高的冷氣機。一般而言，匹數愈大，價錢愈高。

◆ 一般而言，單位面積與製冷能力要求的比例為︰100呎︰/1匹、50呎︰3/4匹。留意製冷能力過高，便會增加壓縮機停頓或重設的機會，導致增加耗電量。

Point 3.附加功能

◆ 冷暖空調機︰現時嘅冷氣機大多不只一項功能，顧名思義，冷暖式空調機既可製冷，亦可發熱，事關雪種是雙向流動設計，可將熱空氣帶入室內，亦能把熱能帶走，達至冬暖夏涼，售價自然比單一功能為高，亦有窗口式和分體式之分。

◆ 空氣淨化冷氣機︰透過納米濾網淨化空氣，製冷之餘亦加倍注重健康，若然家人有呼吸道敏感的話，可多加考慮。

Point 4.能源效益

◆ 現時在本港開售嘅冷氣機，都必須附有能源效益標籤，分為1至5級，1級最慳電，5級最嘥電。少數怕長計，為自己銀包以及地球先生着想，當然係愈慳愈好。

◆ 新款冷氣機多咗智慧節能設計，利用紅外線探測用家位置與動作，以及室內空位所在，藉此靈活調節溫度，提升節能效果。

Lastly but most importantly︰已包安裝費？

◆ 付款前要注意標價是否包括安裝費，而安裝內容包括甚麼項目，例如上門度尺和「睇位」是否已包括在內，或要另行加費？

◆ 一般冷氣機嘅保養期由1年至3年不等，分體式嘅壓縮機與冷氣機就有分開保養。

◆ 選購時要問清楚，保養期過後嘅維修費，以及冷氣機清洗費用。

Lastly but most importantly︰做好本份

◆ 個人方面亦要花功夫，包括唔好喺出入氣口擺放雜物，以免妨礙散熱，亦要定期清洗隔塵網，唔只令冷氣機變得耐用，一定程度上亦有慳電作用。