除了磁磚、木材，PVC地板，亦即大家俗稱嘅「膠地板」，亦係本地常見嘅鋪地材料，唔只工、商業場合，亦有愈嚟愈多嘅家庭用戶選用膠地板，除咗售價便宜，呢種材料仲有何優勢？針冇兩頭利，膠地板又有何不足之處？

優點︰性價比高

◆ 售價便宜

◆ 一般而言，膠地板嘅密度與質量分別為2g/ cm³與3kg/ cm³，又輕又薄，無論運輸、施工，就連更換都方便得多。

◆ 雖然又輕又薄，不過膠地板都相當耐磨，只要施工與保養得宜，可以用上10年左右，相當耐用。

◆ 平滑、防滲透，易清潔、保養。

◆ 彈性較高，摔倒在地時可減低傷害。

◆ 花款設計多，主流選擇已有仿木紋、仿石紋和仿地磚等多種選擇。

缺點︰小心用料

◆ 雖然外表紋理選擇多，但過於「人工化」，欠自然美。

◆ 硬度稍遜，若有尖銳嘅金屬物件，例如鉸剪、刀具跌落在地時，容易令表面破損。

◆ 質素參差的產品，用料可能含有有毒物質，影響健康，選購時除咗向有關商戶多加查詢，自己亦可多啲上網搵料查察清楚。

保養︰切勿受熱

◆ 膠地板不但薄身，而且彈性較高，若然地面鋪裝不平，施工之後很易呈現凹凸，故此施工時要多加注意。

◆ 拖地水切忌熱水和鹼水，以免令地板膠料變質，導致變形、變色。

◆ 切忌將60°C或以上嘅物件直接放在膠地板上，以免地板形或留下焦痕。

◆ 就如木地板一樣，膠地板嘅受壓度都不及磁磚，故此放重型傢俬或物品時，最好喺底部或角落包上軟墊卸力，以免日久出現凹痕。

◆ 無獨有偶，膠地板與木地板一樣，長時間受陽光直射會變色，故此日間最好用窗簾遮隔。

lastly but most importantly︰錫住用更划算

◆ 雖然膠地板嘅打蠟次數比木地板頻密，最好每1至2個月便打蠟一次，不過只要勤清潔，以及做足以上嘅保養建議，用足10年不是夢，整體嚟講已經相當划算。