喉渠篇 – homemega

要數裝修時嘅重點工程，除咗鋪磚、髹油，仲有全屋嘅水喉、水渠；裝修前若然冇檢查清楚，事後才發現要更換的話，那就非同小可，隨時牽一髮動全身了。那麼，如何判斷喉渠是否非換不可？日常又應如何保養呢？

◆ 再鋒利嘅刀都有生銹嘅一日，何況係喉︰舊式鐵鑄嘅水喉、水渠，一般而言，用咗10年就必須更換；如果係較新款嘅銅喉，就可以用上超過10年。故此，裝修前一定要向前屋主或業主問清楚，屋內喉管是鐵喉或是銅喉？用咗幾耐？

◆ 原來沒練習太耐，感覺都追不回來︰假如喉管太耐冇用，長時間得個擺字，唔只會dry，仲好易生銹，影響食水安全。除此之外，如果長時間暴露喺空氣中，室外嘅溫度與濕度都會影響使用期限，遇上呢啲情況，都係換喉最穩陣。

Lastly but most importantly︰認清焊接物料

若然換喉工序需要焊接嘅話，屋主亦要清楚焊接物料是否安全可靠，2015年嘅「鉛水事件」正係前車可鑑吧！

◆ 通渠水與消毒用嘅漂白水，都係常用嘅通渠法寶，不過兩者都有一定危險性，而且使用不當嘅話，對喉渠而言，隨時愛佢變成害佢，故此使用時要知清楚以下細節︰

Step 1︰通渠水不可與漂白水混合，否則會極速發熱、出煙，以及釋出有毒氯氣，對食道、肺部做成傷害。故此每次只可用一樣，切勿貪快「兩溝」。

Step 2︰漂白水亦都不可以加哥士的，否則會發熱、起泡，如果「漂白水 + 哥士的 + 雙氧水」，仲會發生爆炸！

Step 3︰通渠水屬於高濃度硫酸，腐蝕性極高，使用時一定要小心，切勿觸及衣物、皮膚。

Step 4︰稀釋通渠水時，唔好貪快，要慢慢地逐少逐少加入水中，因為強酸性物質遇水會發熱，氣化成水珠，並會大量飛彈出來，非常危險！

Lastly but most importantly︰使用說明非讀不可

◆ 唔同品牌嘅通渠水、漂白水，成份都有出入，用法亦會有少許分別，為安全計，使用前記住睇清楚使用說明。