家中電器如何先進、功能多，若然裝修時的電工布局處理不妥，都只會得物無所用；除了「拉線」考心思外，還有另外3項細節，需要屋主好好考慮。

供電︰「1」與「3」的選擇

◆單相電︰本地家居最常用嘅交流電制式，電壓與頻率分別為220V與50Hz，足夠對應功率為3000-4000 watt或以下嘅電器，而大部分家用電器都喺呢個範圍內。

◆三相電︰同一時間提供三組相輔相成嘅電源，如果其中一組發生電路問題，都唔會影響其餘兩組。原本以工廠較為常用，獨立屋與村屋亦有不少；因應家居電能化程度愈嚟愈高，三相電在一般住宅亦漸見普及，若然發覺家居電源不足，可向電力公司查詢由單相電改為三相電嘅相關事宜。

Lastly but most importantly︰電線顏色分清楚

◆單相電與三相電嘅電線顏色，不但各有分別，而且按照機電工程署嘅規定，由2009年7月1日起進行嘅電力工程，都要改用新款顏色代碼，到底新舊兩派有咩分別？小編就以列表形式，清清楚楚show畀你睇。

舊電線顏色代碼系統

新電線顏色代碼系統

電掣布局︰單控或雙控？

◆單控電掣（one-way）︰最傳統、最常用嘅設計，就以電燈為例，即係每盞燈由一個電掣作開關。

◆雙控電掣（two-way‧︰同樣用電燈做例子，顧名思義，就係一盞燈有兩邊電掣都做到開關。

Lastly but most importantly︰點揀先好？

◆照道理計，當然係雙控電掣方便啲，假設你將電掣分布於客廳嘅左右兩邊，咁就無論坐喺哪一面都啪到掣。不過以香港主流嘅細單位而言，單控電掣已經好夠用，況且安裝成本都會划算啲。故此「單」與「雙」嘅選擇上，並冇一定準則，要以單位面積與個人生活習慣而定。

電掣款式︰普通或無線？

◆普通掣︰即係傳統嘅觸碰式設計，用家需以手指直接按鍵操作，係最傳統、最主流嘅款式。

◆無線遙控︰毋須走到電掣附近，以遙控器代勞，坊間亦有整合式遙控器設計，以單一操作裝置，包攬電燈與唔同家電。

Lastly but most importantly︰首選遙控？

◆論方便程度，當然係無線遙控有明顯優勢，尤其是對行走不便嘅人士而言，的確減少咗唔少生活上嘅瑣碎煩惱。不過喺成本上，無線遙控當然會貴啲，而且對行動自如、家居面積又唔算大嘅朋友而言，無線遙控嘅實用性未必咁高，選擇上都係要以個人習慣為準，唔好貪求一時嘅新鮮感。